เนื้อเพลง สาวส่ำน้อยคอยฮัก - อุ๋งอิ๋ง เพชรบ้านแพง

(เพลงช้า)……หัวใจตอหลอ กราบกะบ่ห่อ หน่อน้อยบ่ซอน เว้าอิหลีน้องนี้ยังอ่อน ซู้สิซ้อนแฟนน้องบ่มี
ไผประสงค์สร้าง ทางฮักฮ่วมนางมาโลดเด้อพี่ อย่าลมลวงล่อให้หลงวจี คันฮักอิหลีทางพี้ถ่าอยู่…………

(เกริ่นลำ)………ละฟ้าเอ๋ย ส่างบ่ยู้ จ่องเอาคู่มาหาใจ ละพวมเป็นสาวน้อเพียงกาย ใหญ่ขึ้นมาคนิงซู้ ละผู้สิชูบ่มีจ้อย………………

(ลำ)โอ้ยเด้ชาย ฟ้าฮ้องใกล้ก้ำฝ่ายเวียงจันทน์ ฟ้าฮ้องใกล้ก้ำฝ่ายเวียงจันทน์ หัวใจนางรำพันฮำฮียีย้อน
ส่างบ่ต้อนไหลมาพี้แหน่ ส่างบ่ต้อนไหลมาพี้แหน่ เห็นแต่ฟ้าแหล่แหล่ แวเวิงเลิงลม พั้วดอกอ้มน้องสิจ่มนำเสียง
หาผู้เมียงมองมักฮักคนคือน้อง จับจองได้มาเด้อคุณพี่ จับจองได้มาเด้อคุณพี่ น้องบ่ติดอกอ้าย คันใจเจ้าฮักนาง
เรือนรูปร่างกำลังพ่างพายเดิน เรือนรูปร่างกำลังพ่างพายเดิน สาวส่ำน้อยลำเพลินเอิ้นหาแฟนซ้อน

(เพลง)ยังอ่อนความฮักเหลือหลาย เป็นสาวขึ้นใหม่ใจบ่ทันมีฮอย บ่มีคนอุ้มคนออยใจปอดอ้อยซ้อยเสมออ้อยกลางกอ ใจปอดอ้อยซ้อยเสมออ้อยกลางกอ

ย้านพ่อย้านแม่เพิ่นด่า หัวใจอิหล่ายังหว่องยังแวง สองแก้มกะยังเป็นแป่งแซง หัวใจยังแดงสีบักหว้าชมพู หัวใจยังแดงสีบักหว้าชมพู


(ลำ)ยืนคอยคอยชู้แฟนซูยังห่าง ยืนคอยชู้แฟนซูยังห่าง หัวใจยังอ้างว้างลมต้องต่อยตี ถ่าแต่พี่ผู้บ่ทันเคยเห็น
จักสิเป็นคนใดซื่อแฟนของน้อง จับจองใว้ เป็นฟอเเอนแฟนเบิ่ง จับจองไว้ เป็นฟอเเอนแฟนเบิ่ง กะยังใสเติ่งเลิ่งยามเทิงบ่อนนอน
เกี้ยวเข้าซ้อน เกี้ยวเข้าซ้อน กะยังอ่อนออแอ ให้มาแม้มาเด้อ มาเบิ่งใจสาวน้อย

(เพลง)ไอเลิฟยูไผบุสิเว้าใส่ ถ่าเด้ออ้ายแม่นผู้ใดละคู่ครอง ไผสิจับสิจองสิมองสิมักอินางน้อย ใจสำออย กะยังว่าด้อยเนื้อคู่

นกมันกะยังมีคู่ เขาคู่ละขันคูยามเช้า คนคือเฮาสิบ่มีผู้ฮักแหน่บ่ รอ รอ รอ ละรอละรอละรอละรอ เขยอิพ่อสิเป็นผู้จั่งใดเด้

(ลำ)ใจอย่าเก้ให้เฮฮนทนท่อย ใจอย่าเก้ให้เฮฮนทนท่อย หัวใจสาวส่ำน้อย คนมาต้อยบ่เคย ไผแหน่เว้ยสิเจ้ยฮักมาหา
อ้าประตูใจรอผู้บ่ทันเคยพ้อ ผู้บ่เคยน้อเห็นจ้อย เออ